Kehne Ko Us Se...

Kehne Ko Us Se Mera Koi Wasta Nahi

(Amjab Islam Amjad)

Kehne Ko Us Se Mera Koi Wasta Nahi
Amjad Magar Woh Shakhs Mujhe Bhoolta Nahi

Darta Hoon Aankh Kholoon To Manzar Badal Na Jaye
Mein Jaag To Raha Hu Magar Jagta Nahi

Ashuftagi Se Us Ki Use Be-Wafa Na Jaan
Adat Ki Baat Aur Hai Dil Ka Bura Nahi

Tanha Udas Chand Ko Samjho Na Be-Khabar
Har Baat Sun Raha Hai Magar Bolta Nahi

Khaamosh Ratjagoun Ka Dhuwaan Tha Char Su
Nikla Kab Aftab, Mujhe Pata Nahi

Amjad Wo Aankhain Jheel Se Gehri To Hai Magar
Un Mein Koi Bhi Aaks Mery Naam Ka Nahi

Hamesha Dair Kr Daita Hun..

Hamesha dair kar deta hoon main
Har kaam karnay mein

Zaroori baat kehne ho
Koi wada nibhana ho 
Usay aawaz deni ho 
Usay wapis bulana ho
Hamesha dair kar deta hoon main

Madad karni ho us ki
Yaar ke dhaarus bundhana ho
Bohat dayreena rustoon par
Kisi se milne jana ho 
Hamesha dair kar deta hoon main

Budaltay mausmo ke sair mein 
Dil ko lagana ho
Kisi ko yaad rakhna ho 
Kisi ko bhool jana ho
Hamesha dair kar deta hoon main

Kisi ko maut se pehlay 
Kisi ghum se buchana ho
Haqeeqat aur thi kuch us ko
Jaa kay yah batana ho

Hamesha dair kar deta hoon main
Har kaam karnay mein

(Poet: Munir Niazi)